كي بورد حبنا..موضوع مهم جدا فى نظرى

Admin عدد الرسائل : 114 تاريخ التسجيل : 04/08/2007

- احمـــــــــــــــــــــــــــــــــــــــــــــــــــــــــــــد

- منـىىىىىىىىىىىىىىىىىىىىىىىى

- انت فين يا احمــــــــــــــــــــــــــــــــــــــــــــد

- انا هنا يا منىىىىىىىىىىىىىىىىى

- بحبـــــــــــــــــــــــــــــــــــــــــــــــك

- مش سااااااااااااااااااااامع كويس قولي تاني

- بحبك والله بحبك بحبــــــــــــــــــــــــــــــــــــــــــــــــــك ولاخر يوم في عمري بحبك

انتهي هذا المشهد الملتهب من فيلم لا اذكر اسمه لكنه بالطبع يدور حول اثنين يدعيان احمد ومني ومن الواضح ان بينهما حباً ملتهباً لدرجه جعلت الدموع تتراقص في حدقات اعيننا ونحن نجلس القرفصاء علي مصطبتنا المعتاده نتناول انفاس الدخان الملتهبه ....... وبانتهاء المشهد بادرنا رمزي بيه بالحديث قائلاً :

- الله يا جماعه علي افلام زمان هو ده الحب ولا بلاش شايفين يا جماعه كانوا بيحبوا بعض ازاااي

انا : اه يا رمزي بيه اااااااااه بجد احساسهم كان فظيع

سيد افندي : دي كانت ايام ومش حترجع تاني انا كنت بقعد تحت شباك ام العيال بالعشر ساعات استناها لما تتطلع علشان ابص عليها بصه واحده قبل ما اخطبها الكلام ده يجي من خمسه وعشرين سنه

انا : ياااااااااااااااه كل ده يطلع منك يا سيد افندي ده انت كنت حبيب بقي علي كده يا سلام عليك ياعم سيد يا ملك الرومانسيه يا مدلع نفسك يا رايق

المعلم حنفي : حب ايه يا جدعان اللي انتوا بتتكلموا عليه ده انا ابويا الله يرحمه جوزني بنت عمي كان عندي 15 سنه وضربلي شهاده سنني بيها وهي كان عندها 12 سنه تقوموا تقوليلي حب هو ده الحب اللي بجد

انا : حب ايه ده اللي بجد يا معلم هو انت لحقت تعرف عنه حاجه ده انت اتدبست بدري بدري ابوك كان ما مصدق يخلص منك ولا ايه ههههههههههههههههههههههههههههههههه

المعلم حنفي : اسكت انت وانت ايه اللي فهمك في الحب يا عديم القلب يا اخي حط في عينك حصوه ملح ومتتكلمش ده انت عدو الحب الاول واكتر واحد شفته بيكره الستات في الدنيا

رمزي بيه : اه صحيح المعلم حنفي عنده حق انت بالذات يا مصري متتكلمش عن الحب ده ابداااااااا

سيد افندي : ليه يا جماعه كده بس هو علشان مش شاغل نفسه وملتفت لشغله شويه بكره ربنا يكرمه ويرجعله عقله ونلاقيه جاي يحكيلنا علي اللي بيحبها

تيتو : المصرى هههههههههههههههههههههه قال المصري يحب قال عشم ابليس في الجنه

انا : ما تتلم يا تيتو وقول كلمه عدله احسنلك بدل ما انتف الشبشب ده علي دماغك

تيتو : واشمعني كلمتي يعني اللي اتحمقت عليها اوي كده ماهما كلهم بيتكلموا من الصبح ومقولتش انت حاجه علي كلامهم

انا : غورد ياد انت نسيت اللي عملته من كام يوم لما قفشناك في العربيه انت والسنكوحه اللي معاك لو كان ده الحب يبقي يغور مش عاوزه

رمزي بيه : ما خلاص يا جماعه مش عاوزين نفتح الموضوع ده تاني علشان منزعلش من بعض

المعلم حنفي : لا نفتحه بمزاجنا ماهو صحيح اللي اختشوا ماتوا

انا : خلاص خلاص يا جماعه خلاص يا تيتو معلش حقك عليا انا اتنرفزت شويه علشان بالي مشغول بموضوع كده اليومين دول ومش عارف اعمل فيه ايه

تيتو : لا مفيش حاجه يا مصري حقكم عليا انتم يا جماعه انا اسف لو عاوزني امشي انا ممكن امشي

سيد افندي : لا ولا تمشي ولا حاجه عيب عليك ياراجل ماخلاص احنا نسينا اللي فات المهم اللي جاي ..... الا صحيح يا مصري موضوع ايه اللي شاغلك ده ؟ ما تحكي يا عمنا وقول وفضفض

انا : هو موضوع بخصوص الحب اللي كنا بنتكلم فيه من شويه

رمزي بيه : انت بتتكلم جد ولا انت عيان ولا ايه

المعلم حنفي : هههههههههههههههههههه انت يا مصري مصدقش ، انا مديش عقلي لغيري ابدااااااااا

انا : ليه يعني يا جماعه هو انا كنت قلتلكم ان انا قلبي حجر ولا ماليش في الستات ولا ايه

رمزي بيه : لا مش كده بس انت كنت رافض الحب ده شكلاً وموضوعاً ياتري مين اللي وقعتك يا سيدي دي اكيد قمررر

انا : مش حكايه شكل يا جماعه هي بس مواصفاتها وطباعها انا حبتها اوي لدرجه اني مبقتش قادر افكر في حد الا هي

تيتو : للدرجادي يا مصري طب ما تديني نمره تليفونها وانا اظبطهالك

انا : تليفون ايه يا منيل علي عينك ولا اعرفه اصلا وبعدين ايه اظبطهالك دي مش تحترم نفسك ياد وانت بتتكلم

تيتو : ياعم انا غلطانلك انا كنت عاوز اخدم بس

انا : لا يخويا الله الغني عن خدماتك

رمزي بيه : كمل انت يا مصري سيبك من تيتو اصله غاوي هذار قولنا بقي عرفتها فين

انا : علي الشات

المعلم حنفي : ايه الشات ده ؟؟ دي قهوه دي ولا مطعم ولا ايه حوارها ؟

رمزي بيه : قهوه ايه بس يا معلم ده هو اتعرف عليها عن طريق الانترنت وغرف الشات والايميلات

المعلم حنفي : برده مش فاهم

انا : يا معلم حنفي انا افهمك الانترنت ده حاجه كده بندخل عليها من علي الكمبيوتر وبنتكلم مع ناس كتير عن طريق الكتابه علي ال كي بورد

المعلم حنفي : ااااااااااااه سبوره يعني

انا : لالالالالالالالا ياعم حنفي برده انت مش فاهم الكي بورد دي لوحه عليها زراير بندوس عليها تكتب اللي عاوزين نقوله وممكن علي الشات برده نكلم اللي قدامنا صوت وصوره

المعلم حنفي : بتهيالي كده فهمت بس دي انت حبتها ازاي دي

رمزي بيه : اه صحيح يا مصري ودي حبتها علي اساس ايه ؟
انا : مش عارف يا جماعه احنا بنتكلم بقالنا فتره هو في الاول كنا بنتخانق علي طول ومكناش طايقين بعض لدرجه ان كل واحد فينا حذف ايميل التاني من عنده وخلاص كل واحد راح لحاله بس رجعنا بعد كده نتكلم بالصدفه ومن ساعتها والمعامله كويسه بينا

رمزي بيه : طب وهي بتحبك ؟؟

انا : ماهو ده اللي غايظني يا رمزي بيه انها مش حاسه بيا خالص او عادي يعي زيي زي اي حد تاني مش فارقه معاها

سيد افندي : وده اسمه كلام يا مصري طب وانت ايه يابني اللي زانقك علي كده ما تسيبك منها ده كله كلام ميجبش همه

انا : بصراحه بحبها اوي يا عم سيد وبستناها كل يوم علشان اكلمها انشالله حتي خمس دقايق

رمزي بيه : للدرجادي ؟

انا : واكتر والله يا رمزي بيه انا بصراحه مش عارف اعمل ايه

رمزي يه : انا من رايي ان ده كله اوهام انت بس عايش الدور شويه

انا : لا والله يا رمزي بيه انا عارف نفسي كويس

تيتو : طب لما انت بتحبها اوي كده طب ما تقولها وشش ولخص في الحوار البت تحب الواد الجريء

انا : ياعم هو انا بشتري قفص خيار بقولك مش فارقه معاها يعني لو قلتلها كده ممكن متكلمنيش تاني

سيد افندي : طب وايه يعني يبقي انت قطعت عرق وسيحت دمه وريحت نفسك

المعلم حنفي : ريح دماغك انت ياد يا مصري وتعالي اجوزك بنتي طالما انت مستبيع كده

انا : هههههههههههههههههه ياعم ده انا يزيدني شرف بس بصراحه مقدرش يا معلم حنفي انا بحبها بجد

المعلم حنفي : ههههههههههههههه انت صدقت ياد ولا ايه ده انا بهذر معاك مانت عارف ان معنديش غير بت واحده واتخطبت كمان

انا : ههههههههههههههه منا عارف بس بستهبل يا معلم ربنا يخليهم ليك وتفرح بيهم وباولادهم

رمزي بيه : بص يا محمد متزعلش مني بصراحه الموضوع ده مش راكب في دماغي مفيش يبني حب علي النت وكلام من ده دي يبقي اسمها اوهام

سيد افندي : وانا من رايك يا رمزي بيه انت كلامك مظبوط المصري باين عليه موهوم حبتين

تيتو : انا من راي ياد يا مصري تقفش نمرتها وتظبط معاها وتقابلها لو جابت معاك اهو عشلك يومين معاها وكب دماغك من حوارات الحب والكلام ده وشوف نفسك بقي ياواد خليك ناصح لاخوك يبني البنات بتوع النت دول صيده ولازم تستغلها

انا : اخرس ياد خالص هو انت فاكر كل البنات زي الاشكال اللي تعرفها انت مسمعتش عن واحده كويسه ابدا

تيتو : لا مسمعتش ولو في مش عاوز اعرفها وانا حعمل ايه بالكويسه دي

انا : يعني ده رايكم يا جماعه اني انسي الموضوع يعني اكيد ده مش حب وان دي اوهام مع اني مقتنع بيها جدااااا وبحبها

وفي الاخر يا جماعه ردودهم كانت ان الحب علي النت ده وهم ومجرد تضييع وقت المهم مش حطول عليكم انا عاوز اعرف ايه رايكم في اللي حصل وايه رايكم في الكلام ده وكل قعده وانتم طيبين

و الله موضوع الحب من على النت ده محير اوي
يعني في ناس فعلا حبت بعض من على النت و دول
كانوا على التلفزيون في برنامج كده و هما دلوقتي متجوزين
و عندهم اولاد كمان و ساعات تقول ازاي هتحب حد من غير اما تشوفه
بس ممكن تلاقي نفسك فعلا بتحبها
انا من رأيي انك تقولها عشان لو هيه فعلا زي ما بتقول مش حاسه بنحيتك
بحاجه يبقى تحاول تنساها و تعيش حياتك و لو هيه بتفكر فيك زيك بالظبط
يبقى كويس اوي
يارب اكون افدتك
و كل سنه و انتم طيبين

Admin عدد الرسائل : 114 تاريخ التسجيل : 04/08/2007

انا بقى فى رأى ان الجماعه عندهم حق ازاى تكلم وحده على النت وتحبها لمجرد انك اعجبت بطريقة كلامها انتته تعرف منين انها بنت اصلا ممكن تكون ولد وبتلعب عليك مثلا وممكن تكون بنت فعلا بس انته مش عارف ايه شكلها طب طباعها الحقيقيهطب اى حاجه مهو اصل ممكن يكون كل الكلام الى بتتكلمه معاك مجرد كدبه ودخلت عليك وانته يا عينى مش فاهم حاجه فى النص مجرد انك بتحبها حب وهمىيرب اكون افدتكم وعايز اشوف الردود على الموضوع